Skólaheilsugćsla

Skólahjúkrunarfrćđingur er Guđrún Pétursdóttir og er hún starfsmađur Heilbrigđisstofnunar Austurlands. Hún hefur viđveru í skólanum á

Skólaheilsugćsla

Skólahjúkrunarfræðingur er Guðrún Pétursdóttir og er hún starfsmaður Heilbrigðisstofnunar Austurlands. Hún hefur viðveru í skólanum á mánudögum.

Heilsugæsla skólabarna er framhald af ung- og smábarnavernd. Skólaheilsugæslan leitast við að efla heilbrigði nemenda og stuðla að vellíðan þeirra. Unnið er í samvinnu við foreldra/forráðamenn, skólastjórnendur, kennara og aðra sem koma að málefnum nemenda. Farið er með allar upplýsingar sem trúnaðarmál.

 

Reglubundnar skoðanir og bólusetningar

1. bekkur         Sjónpróf, heyrnarpróf, hæðarmæling og þyngdarmæling.

4. bekkur         Sjónpróf, hæðarmæling og þyngdarmæling.

7. bekkur         Sjónpróf, hæðarmæling, þyngdarmæling og athugun á litaskyni. Bólusett gegn mislingum, rauðum hundum og hettusótt (ein sprauta)

9. bekkur         Sjónpróf, heyrnarpróf, hæðarmæling og þyngdarmæling. Bólusett gegn mænusótt, barnaveiki og stífkrampa (ein sprauta). Einnig er mældur blóðþrýstingur.

Nemendur í öðrum árgöngum eru skoðaðir ef ástæða þykir til.

Ef líkur eru á að barnið sé ekki að fullu bólusett þá eru foreldrar hvattir til að hafa samband við skólaheilsugæsluna. Bólusetningar barna eru alltaf á ábyrgð foreldra.

Fræðsla / heilbrigðishvatning / forvarnir

Skólaheilsugæslan sinnir skipulagðri heilbrigðisfræðslu og hvetur til heilbrigðra lífshátta. Byggt er á hugmyndafræðinni 6 H heilsunnar, sjá nánar á www.6h.is sem er samstarfsverkefni skólaheilsugæslunnar og Lýðheilsustöðvar. Áhersla fræðslunnar eru Hollusta- Hvíld – Hreyfing – Hreinlæti – Hamingja og Hugrekki. Einnig verður fræðsla um kynþroskann og kynheilbrigði í eldri bekkjum.

Tannvernd

Skólaheilsugæslan býður upp á flúorskolun í  1., 7., og 10. bekk tvisvar í mánuði.