Skóladagatal
Skýringar með skóladagatali
Fyrir áramót:
22. ágúst: Nemendur mæta ásamt forráðamönnum í viðtal hjá umsjónarkennara. Forráðamönnum gefst tækifæri til að velja sér viðtalstíma á Mentor. Í þessu viðtali er farið yfir námsáherslur komandi skólaárs.
7. september: Útivistardagur. Starfsdagur allra nemenda er til kl. 13:10 en Skólaselið er opið á hefðbundnum tíma. Þessi dagur gæti færst til eftir veðri.
15. september: Starfsdagur. Haustþing Kennarasambands Austurlands.
2. - 5. október: Þemavika. Hefðbundið skólastarf brotið upp og allir vinna að sameiginlegum viðfangsefnum. Starfsdagur allra nemenda er til kl. 13:10 en Skólaselið er opið á hefðbundnum tíma.
25. - 27. október: Vetrarfrí
8. nóvember: Baráttudagur gegn einelti. Við höldum Fjölgreindarleika þar sem við skiptum nemendahópnum upp í hópa þvert á árganga. Hóparnir fara um skólann og leysa þrautir og verkefni. Viðvera nemenda þannan dag er til kl. 13:10.
15. nóvember: Starfsdagur.
16. nóvember: Dagur íslenskrar tungu - annaskil.
5. desember: Aðventustund. Nemendur, forráðamenn þeirra og starfsfólk skólans koma saman í skólanum og eiga notalega stund á aðventu.
20. desember: Litlu-jólin fyrir 1. - 6. bekk. Nemendur sýna hver öðrum leikverk tengd jólum og dansa svo í kringum jólatréð. Stofujól eftir hádegi hjá öllum bekkjum en þá eiga nemendur jólastund með umsjónarkennar sínum. Viðvera nemenda er til kl. 13:10 og er þá komið jólafrí.
Eftir áramót:
3. janúar: Kennsla hefst eftir jólafrí.
12. janúar: Þorrablót nemenda er tvískipt. Frá kl. 11:30 - 13:10 er þorrablót 1. - 4. bekkjar. Þetta er hátíðleg stund þar sem lagt er á borð og þjóna kennarar til borðs auk þess sem þeir stíga á stokk og skemmta nemendum. Á eftir er stiginn dans.
Þorrablót 5. - 10. bekkjar hefst kl 18:30 og stendur til 22:00. Blótið er í umsjón 10. bekkjar. Miðaverð er 2000 kr.
26. janúar: Hefð er fyrir því í Grunnskóla Reyðarfjarðar að drengir hlaupi inn þorrann en stúlkur góu. Drengirnir hlaupa hringinn í kringum skólann til að bjóða Þorra velkominn. Þennan dag stendur nemendafélagið fyrir viðburði þar sem allir eru hvattir til að klæða sig upp í anda gömlu dansanna en við endum daginn á balli þar sem við einmitt dönsum gömlu dansana.
12. febrúar: Bolludagur. Nemendur mega koma með bollur með sér í nesti á bolludaginn.
14. febrúar: Öskudagur. Nemendadagur til kl. 13:10. Nemendur mæta í búningum og fara saman í bæinn til að fá sælgæti fyrir söng.
15.-16. febrúar: Vetrarfrí.
26. febrúar: Stúlkur hlaupa inn Góu.
20. febrúar: Starfsdagur
21. febrúar: Annaskil - Foreldraheimsóknir
5. mars: Skíðadagur. Starfsdagur allra nemenda er til kl. 13:10 en Skólaselið er opið á hefðbundnum tíma. Þessi dagur gæti færst til eftir veðri.
18. - 21. mars: Árshátíðarvika. Þessi vika er eins og þemavika, kennsla hjá öllum aldurshópum til 13:10. Kennsludagarnir helgast af undirbúningi fyrir árshátíð skólans sem verður haldin fimmtudaginn 25. mars.
22. mars: Gulur dagur, síðasti dagur fyrir páskafrí.
23 mars. - 1. apríl: Páskafrí
2. apríl: Kennsla hefst eftir páskafrí samkvæmt stundaskrá,
31. maí og 3. júní: Vordagar. Þá daga er kennsla til 13:10. Farið er í stuttar gönguferðir og leiki í nágrenni skólans.
3. júní: Skólaslit.