Skólastarf með eðlilegum hætti á morgun

Eins og kemur fram á vef Fjarðabyggðar þykir ekki ástæða til að fella niður skólahald í skólum Fjarðabyggðar á morgun, mánudag, vegna veðurs. Þessi ákvörðun er tekin með hliðsjón af veðurspá morgundagsins fyrir Austfirði.

Foreldrar yngri barna eru minntir á að meta veðurútlit hverju sinni.  Veður getur verið slæmt þó ekki sé talin þörf á að leggja niður kennslu og þá er rétt að hafa yngri börnin heima ef ekki er hægt að fylgja þeim bæði í og úr skóla. Þetta verða foreldrar að meta sjálfir.

Staðan verður endurmetin um klukkan sjö í fyrramálið og verður tilkynning send út í smáskilaboðum til allra foreldra ef ákvörðun verður tekin um að loka skóla vegna veðurs.