Veltibíllinn - beltin bjarga

Við fengum Veltibílinn í heimsókn í vikunni sem er þessa dagana að ferðast milli allra grunnskóla á Austurlandi, frá Hofi í Öræfum og austur að Þórshöfn.

Veltibíllinn er verkefni á vegum bindindisfélags ökumanna en það félag hefur verið brautryðjandi í umferðaröryggismálum og hefur Veltibíllinn verið það tæki sem  nýst hefur hvað best  í baráttunni fyrir aukinni notkun bílbelta.

Þeir sem vildu, fengu að prófa að setjast inn í bílinn og voru menn vandlega spenntir niður í bílbeltin. Svo snérist bíllinn með nemendur innanborðs og varð þá öllum ljóst hversu mikilvægu hlutverki bílbeltin gegna, að notkun þeirra sannarlega bjargar.

Hér má sjá fleiri myndir.