Fréttir

Í dag er þrettándi dagur jóla og jafnframt þeirra síðastur. Þá heldur Kertasníkir, sá jólasveinn sem kemur síðastur þeirra bræðra til byggða fyrir jól, heim á leið.

Föstudagur 17. desember er síðasti kennsludagur fyrir jólafrí. Fyrsti kennsludagur eftir áramót er 4. janúar.

Í dag vorum við svo heppin að þrír vaskir jólasveinar heimsóttu okkur og það vildi svo vel til að við vorum akkúrat að dansa í kringum jólatréð og syngja hástöfum.

Við komum saman á sal á hverjum morgni, vandlega hólfuð niður eftir fjölda og syngjum jólalögin. Hver bekkur fær að velja lög einu sinni og í dag voru það nemendur 3. bekkjar sem völdu lögin og stjórnuðu söng af sviði ásamt Díönu.

Covid-19 smitum fjölgar hratt á Austurlandi síðustu daga og þar sem smitin eru dreifð telja fræðsuyfirvöld í Fjarðabyggð í samráði við aðgerðastjórn og HSA nauðsynlegt að loka Grunnskóla Reyðarfjarðar í dag, fimmtudag og á morgun, föstudag.

Í síðustu viku kom til okkar Gunnar Helgason rithöfundur og las upp úr nýju bókinni sinni.

Krakkarnir tóku glaðir á móti snjónum og hafa notið þess að renna sér í brekkunni ofan við skólann.

Í dag, 16. nóvember er dagur íslenskrar tungu. Af því tilefni buðu nemendur 7. bekkjar upp á viðburð á sal.

Í dag fengum við góða gesti þegar Geðlestin kom í heimsókn. Geðlestin er geðfræðsla fyrir nemendur í efri bekkjum grunnskóla og framhaldsskóla sem byggir á þeirri staðreynd að við búum öll við geð rétt eins og við erum með hjarta. Á lífsleiðinni er mjög líklegt að við lendum í mótvind og þurfum jafnvel að leita okkur aðstoðar. Öflug geðrækt frá unga aldri út lífið er besta ráðið til að takast á við þær áskoranir sem lífið færir okkur. Geðlestin er samstarfsverkefni Geðhjálpar og Hjálparsíma Rauða krossins 1717 og er styrkt af félags- og heilbrigðisráðuneytunum.

7. bekkur stóð sig best í verkefninu Göngum í skólann en nemendur 5. og 8. bekkjar fylgdu fast í kjölfar þeirra.